TM-62-ermiut angerlarnissaat Tasiilap Kommuneata akilerniarpaa

Kulusummi arsaattartut peqatigiiffiat TM-62 nunatsinni angutit isikkamik arsaallutik pissartanngorniutereernerisa kingorna Nuummiit ingerlaqqissinnaajunnaraluarput. Maannakkulli Tasiilap Kommunea arsaattartut angerlarnissaannut akiliussinissaminik akuersivoq.
aggustip 16-at 2007 12:29

TM-62-p arsaqatigiinni aqutsisuata Moses Bajarep oqaatigaa, Tasiilap Kommunea neriorsuisimagaluartoq TM-62-kkut Nuummukarnerat Kulusumullu uternissaat akilerniarlugu. Tasiilap Kommunea

arsaattartoqatigiit 16-it angerlarnissaannut tapiinissaminik ippassaq itigartitsivoq.

Tasiilap Kommuneani Kultureqarnermut Ilinniartitaanermullu siulittaasup; Andersine Hansen-Kristiansenip oqaatigaa; TM-62 tapiiffigineqarnissaminut qinnuteqarmat kommunep tapiisarnermut malittarisassat malissimagai tassalu tapiiffigeqqulluni qinnuteqartoqartillugu kommunemit 75 %-i tapiissutissatut tunniunneqartarmata. Maannakkulli tassa Tasiilap Kommuneata itigartitsigaluarnini allanngortippaa.

TM-62-kkut ualeru nalunaaqutaq pingasunut timmisartumut ilaallutik angerlamut aallassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq