Tasiilami borgmesteri Vittus Mikaelsen akuersigallartillugu Kulusummiut angerlarsinnaanngorput.
Arsaattartut peqatigiiffiata TM-62-p arsaattartartui sungiusaasuilu nunatsinni angutit isikkamik arsaallutik pissartanngorniutereernerisa kingorna Nuummiit ingerlaqqissinnaajunnaraluartut, borgmesteri kommunip akiliussinissaanik akuersisimagallartillugu maannakkorpiaq nal. 17.00 angerlamut aallaannaqaat.
Pisoq kommunimi qassiiliutaasimavoq, tassami
Kommunalbestyrelsep Kulturimut Inuusuttunullu ataatsimiititaliaata siulittaasua Andersine Hansen-Kristiansen ullumi radioaviseqareernitsinni nalunaarpoq, ataatsimiititaliap ippassaq itigartitsinini ullaaq nal. 9.00 immikkut ittumik ataatsimiinnermini allanngortinngilluinnaraa.
- Borgmester Vittus Mikaelsen-ip suliaq nammineq suliassatut tigusimavaa. Utimullu oqqunneqassasut aalajangersimallugu, Andersine Hansen-Kristiansen oqarpoq.
- Minnerpaamilluunniit neriorsuisoqarnikuunngilaq TM-62-ip angalanissaat siumut utimullu kommunimiit akilerneqarnissaanik. Kommunimi tapiisarnermut annerpaamik 75 procenti malitassarput malillugu tapeereerpugut. Taamaallaat uani allannguutaaginnarpoq Borgmesterip akuliunnera, oqarpoq.
