Killeqarfik Ukrainep Polenillu akornaniittoq ikaariaralugu niviarsiaqaat toqusimassasut, Polen-imi tv-qarfik TVN24 nalunaaruteqarpoq.
Niviarsiaqqat arnaata ikiuunneratigut niviarsiaqqat timaat killeqarfimmik paarsisut nassaaraat. Arnaat meeraasalu sisamaat marlunnik ukiulik napparsimmavimmi uninngapput, arnaa qasuallaaqimmat.
Killeqarfimmik paarsisut oqarput, niviarsiaqqanik nassaarfik qiianangaarmat, qiullutik toqusimassasut.
Arnaq 35-nik ukiulik tjetjeniamiuusoq meeqqani ilagalugit qaqqani ullut sisamat matuma siorna tammartajaarput.
Qaqqaq avinngarusimasumiittoq, inunnik Ukraine-miit EU-mut ilaasortamut Polen-imut anngiorluni inunnik qimarngussuinermi aqqutigineqarluartarpoq.