Tjetjeniamiut Moskvami timmisartoqarfissuarmi qaartartumeersimanngillat

Moskvami timmisartoqarfik ulapiffiunerpaaq aattaqaqisumik ullut marlussuit matuma siorna qaartartumeeriffigineqarpoq - tjetjeniamiullu qaartartumeerisimanissaat pasitsaanneqaraluarluni, misissueqqissaartoqarmalli paasineqarpoq taamaanngitsoq. Ruslandimi ministeriuneq taama ilisimatitsivoq.
januaarip 26-at 2011 17:14

Qaartartumeerinermi 35-t toqupput, pikitsitsigajuullu Tjetjeniameersut perulluiliorsimanissaat aallaqqaammut tassa ilimagineqaraluarpoq.

Tjetjeniamiut islamisiortut Ruslandimi aattaqaqisumik arlaleriaqalutik siusinnerusukkut perulluliortarput. Ministeriunerup Vladimir Putinip, tjetjeniamiunut pikitsitsigajuunut 1999-imi sorsutsitsilersup, oqaatsini itisilerusunngilai.

Timmisartoqarfissuarmut kikkut saassusserujussuarnersut suli eqqoriarneqaqattaarpoq.

Kaukasusip avannarpasissuani kunngiitsuuffiit allat, soorlu Ingusjetien aamma Dagestan qaartartumeerisimasinnaasutut pasineqartunut maanna ilaalerput.

Qaartartumeererujussuarneq kikkunnilluunniit manna tikillugu tassa akisussaaffigineqarusunngilaq, massa inuit 35-t toqutaasut 100-llu sinnerlugit ikiligaallutik.

Timmisartoqarfissuaq qanoq isumannaatsiginersoq oqallisisaangaatsiarpoq, qaartartumilli mittarfimmi utaqqisarfimmut qanoq ililluni eqqussisoqarsimasinnaanersoq paasiuminaappoq, Ruslandimili isertortumik paasiniaasartut FSB tamatumunnga akisussaasutut suli tikkuarneqanngillat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq