Tjekkiap premierministeria tunuarnianngiinnarpoq

Allattoq Mads Lynge
juulip 03-at 2006 11:30

Tjekkiap præsidentiata Vaclav Klausip naalakkersuisullu kajumissaarineratigut, Tjekkiap premierministeria Jiri Paroubek tunuarniarnini utertiinnarpaa.

Qaammatip ataatsip matuma siornatigut inatsisartunut qinersinermi ajugaanngitsoortoqarpoq, uninngaannartoqalerlunilu. Uninngaannarneq anigorumallugu Jiri Paroubek tunuarusussimagaluarpoq.

Præsident Vaclav Klausip tunuarniarneq akuersaarnartinnagulu akisussaassuseqanngitsuunerarpaa, oqarluni naalakkersuisooqatigiilernissaq pillugu isumaqatigiinniiarnerit ajornakusoortut maanna ingerlammata.

Qinersisoqareernerup kingorna partii talerperliuniaq ODS ajugaagaluarpoq, naalakkersuisooqatigiilernissamillu isumaqatiginninniarnerit aquttuuffigilerlugit.

Tjekkiami inatsisartut 200-nik inissaqarput, taakkunanngalu partiit saamerliuniat 100-nik ilaasortaqalerput, talerperliuniallu partii De Grønne tapersersortigalugit aamma 100-nik ilaasortaatitaqalerlutik.