Titartakkat akerleralugit 13-it toqoreerput

Ikinnerussuteqarlutik muuamaasiortut Shiamusliimusut ullumikkut ullorsiortarnerisa annersaat Ashura-mik taaguutilik persuarsiutigineqartussaavoq, taamaammallu musliimit silaarsuaanni ullumikkut sisamanngornermi akerliussutsimik takutitsisoqaqattaarnissaa ilimagineqarpoq.

Iranimi Irakimilu shiamusliimit saqquminerpaapput, titartakkallu muuamaamut tunngatinneqarlutik Jyllandspostenimit saqqummersinneqarsimasut, ullumikkut kamassaatigineqaqqinnissaat ilimagineqarpoq.

Danskit generalkonsulatiat sapaatiummat aserorteriffigineqarlunilu ikuallanneqarpoq, muuamaasiortullu Hizbollah-t Libanonimi siuttui neriorsuipput, sapaatiummat pisut assinginik pisoqassanngitsoq.

Muuamaamut tunngatillugit Jyllands Postenip titartakkat saqqummersissimasai, akerliunernik arlalissuarnik pilersitsisimavoq, inuillu inuunerinik katillugit 13-inik maannamut naleqareerpoq.

Afghanistanimi aqqanillit, Libanon-imi ataaseq Somaliamilu ataaseq toqusimapput.