Titartakkanut akerliunerit Rice-p ernumagaa
USA-mi nunanut allanut ministeri Condoleezza Rice, isumaqarpoq, muuamaamik titartakkanut akerliunerit aqunneqarsinnaanngilluinnartumik kinguneqarsinnaasut, pingaartumik naalakkersuisut Iran-imi Syriamilu akerliusut aqulinngippatigit.
-Naluneqanngilaq Iranikkut Syrialu nalunaaruteqarniaraangamik akerlissutsiminnik takutitsisitsisarnerat, Condoleeza Rice New York Times-imut apersorneqarnermini oqarpoq.
Akerliussutsiminnik takutitsinerit nunarsuaq tamakkerlugu ullumikkut aamma ingerlanneqarput, sakkortuuliornertaqanngitsumilli.
Iranimi sorsunnersuup aappaani juutinik nungusaaneq pillugu titartaanermik unammisitsisoqarniarnera Condoleeza Rice-p ajuusaarutigaa.
Kangiani Qiterlermi, Asiami Afrikamilu inuit ikinnerpaamik aqqanillit muuamaamik titartakkat pillugit akerliussutsiminnik takutitsinermi nalaani toqupput.
