Titartakkanut akerliuneq ersarissiartorpoq
Danskit punniliaat immussualiaallu Kangiani Qiterlermi pisiniarfissuit amerliartuinnartut ilisiviinit piiarneqartalerput, Jordanimilu inuit 300-t missaanniittut illoqarfiit pingaarnersaanni Ammanimi Danmarkip aallartitaqarfiata silataani akerliussutsiminnik takutitsillutik.
Akerliussutsimik takutitsisut naalakkersuisumik Danmarkimut attaveqarnerminnik taamaatitsinissaat piumasaraat.
Jordanimi naalakkersuisut illuatungiliuttuinut suleqatigiit annersaata, Den islamiske Aktionsfrontip, erfalasoq aappalaartuullunilu qaqortoq ikuallatsiitigalugu aaammattaaq naalakkersuisutik ”danskit aallartitaannik soraarsitseqqullugit” kajumissaarpaat.
Sudanimi præsidenti anisitseqqusinermik Sudanimilu danskit suliniaqatigiiffiisa tamarmik atorunnaarsinneqarnissaannik sioorasaarivoq. Manna tikillugu taanna peqqusisimavoq danskit atorfilittaat aallartitaallu Sudanimiut atorfilittaanniit tikilluaqquneqartassanngitsut.