Titanicimi umioqataasut ilaat toquvoq
Umiarsuarsuup ilaasartaatip umiusinnaanngissorisap Titanicip 1912-imi umiiarnerani annattut ullumikkut inuusut amiakkuisa ilaat 99-inik ukioqarluni Massachusettsimi angerlarsimaffimmini toquvoq. Lillian Gertrud Asplund angajoqqaani qatanngutinilu angutit sisamat ilagalugit Sverigemit USA-mut angerlartillutik umioqataapput.
Titanicimi issimasut ilaat 1.523-t taamani ajunaarput.
Arnap inuunermini sivisoqisumi ilaasartaammi pisimasut tamanut tusagassianngorlugit oqaluttuariumasarsimanngilai, ilisaanissaminullu atatillugu ilaquttaminut piumasaqareersimavoq Titanicimi pisimasut oqaluttuareqqinneqassanngitsut, eqqaaniaasoqalerpallu Titanicimi pisimasut aamma eqqaaneqassanngitsut.
Titanic umiummat Lillian Asplund tallimanik ukioqarpoq. Taamanikkullu angunni qatanngutinilu nukappiaqqat pingasut annaavai. Ilaqutariinni annaqatituarai arnani aqqalussanilu nukarleq.
Worcesterimi najugaqarsimavoq uininngisaannarlunilu.
Sillimmasiisarfimmi allaffimmiuusimavoq, inuunermilu annersaani arni paaqqutarisimallugu.
Titanicimi umioqataasut allat marluk suli inuusut Tuluit Nunaanniissorineqarput, Titanicillu ajunaarneranik misissuisartut ilimaginngilaat eqqaamasaqassasut, 1912-imi nukangaqimmata.
