Tipsimi Lottomilu aningaasaateqarfik aningaasalivoq

Tips-mit Lottomillu aningaasaateqarfimmit tapiissutissanik qinnuteqarsinnaaneq apriilip ulluisa 15-iannut killeqartitaasoq maanna naliliiffigineqarsimasoq, Kultureqarnermut, Ilisimatusarnermut Ilageeqarnermullu Pisortaqarfimmiit nalunaarutigineqarpoq.

Qinnuteqarsimasunit katillugit 51-iusunit, 21-it akuerineqarput tapiissutissallu 1,4 millioni koruuniullutik.

Akuerineqartunut ilaapput:

Isiginnaartitsisartut Silamiut, Inuit Nipaat, taakku Narsarmiini nipilersortitsisoqarnissarsuanut tapiiffigineqarnissaminnik qinnuteqarsimallutik, Maniitsumi Utoqqaat Peqatigiit, Hans Lynge-p aningaasaateqarfia, Kattuffik Neriusaaq, Erinarsoqatigiit NIPI, Kangaamiut ukiormanna nalliuttorsiornisaannut erinarsortartut Kangaamiuni naapeqatigiinnissaannut taakku qinnuteqarsimallutik, allarpaaluillu aamma qinnuteqaateqartut akuerineqarsimasut Kultureqarnermut, Ilinniartitaanermut, Ilsimatusarnermut Ilageeqarnermullu Naalakkersuisoq, Henriette Rasmussen tusagassiutinut nalunaaruteqarpoq.