Tipsernermit lottornermiillu tapiissutit agguaanneqartut
Ilinniartitaanermut, Kultureqarnermut, Ilisimatusarnermut Ilageeqarnermullu naalakkersuisup 2016-imi qinnuteqartitsinermut kingullermut atatillugu suliniutinut tapiissutinik agguaavoq. Tipsernermit lottornermiillu tapiissutit Danske Spilimit ukiut tamaasa agguaanneqartarput.
Aningaasat 6,6 millionit missaanniittut kulturikkut suliniutinut novembarip ulluisa qulinganni tunniunneqarput.
Tapiiissuteqarfigineqartunut ilaasut tassaapput:
Arnat Peqatigiit Kattuffiata nuna tamakkerlugu ataatsimeersuarnissaannut pikkorissartitsinissaallu. Erinarsoqatigiit Inuusuttut Nipaata erinarsornermik pikkorissartitsinissaa Hanne Saandvig Immanuelsenillu Nuummi Klassisk Festivalertitsinissaa.
Eqqumiitsuliornermi filmiliornermillu suliat assigiinngitsut taassuma saniatigut tapiissuteqarfigineqarput, oqalugiarnissamut tapiissuteqartoqarluni allanillu.
Immikkoortitanut B-mut C-mullu suliniutinut tapiissutinut qinnuteqarnissamut ulloq killiliussaq tassaavoq aappaagu februaarip ulluisa 15-iat.
