Tingulluut Asiamiit eqqunneqarsimasinnaavoq

Tingullunneq sakkukitsoq, Hepatitis B6-imik taaguuserneqarsimasoq, Kalaallit Nunaanni atugaasoq, ilisimatuut Danmarkimeersut paasisimavaat. Tingulluut taanna siornatigut takuneqarsimanngisaannarpoq.

Kalaalerpassuit tingullunnermik nappaateqarnerannut tamanna tunuliaqutaasinnaavoq. Tingullunnerullu taassuma sakkukinnera pissutaalluni ikittuinnaat tingui eqissimapput tingummikkullu kræfteqalersimallutik. Danmarkip Radioata nittartagaanni tamanna atuarneqarsinnaavoq.

Tingullunneq Hepatitis B6 Kalaallit Nunaannut Asiamiit ukiut tuusintilikkaat matuma siornatigut eqqunneqarsimanissaa ilisimatuut ilimagaat.

- Tamaani najugallit Asiamiit ukiut tuusintilikkaat matuma siornatigut anngupput, tingullunnerullu tassuunatigut Kalaallit Nunaannut eqqunneqarsimanissaa ilimanarpoq, Anders Koch, Statens Seruminstitutimi sivisuumik ilisimatusarsimasoq Videnskab.dk-mut oqarpoq.

Hepatitis B6 tingullunnermik nappaammut Hepatitis B1-imut assingusorujussuuvoq. Hepatitis B1 Japanimi takussaaneruvoq, tingullunnerlu taanna sakkukinnerit ilaannut aamma ilaalluni.

Hepatitis B6-ip B1-illu ataatsimoorussamit taamaammat aallaaveqarsimanissaat ilisimatuut isumaliutigilerpaat.
Tinguimmi eqinnikut tingummikkullu kræfterneq nunanut allanut naleqqiullugu Kalaallit Nunaanni takussaannginnerupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat