Tingulluummut akiuussutissamik kapuuisoqartalissaaq

Meeqqat nappaataannut akiuussutissanik kapuuisarnermut ilanngullugu tingulluummut, hepatitis B-mut, akiuussutissaliisoqartalissasoq Inatsisartuni ullumikkut isumaqatigiissutigineqarpoq.

- Meeqqat nappaataannut akiuussutissanik kapuuisarnerup amerlanerusunut sammitinneqalernissaannik naalakkersuinikkut isumaqatigiittoqarnera nuannaarutigeqaara, peqqissutsimut naalakkersuisoq Agathe Fontain Radioaviisimut oqarpoq.

Akiuussutissaliinermut nutaamut anersaartuutitigut aseruuttoornernut, soorlu perulunnernik kinguneqartartunut, torlukkut nuannermut puakkullu nuffersoornermut siutikkullu maqisoornermut akiuussutissaliineq, soorlu aakkut toqunartoqalernernut qaratsallu ameraasaanik aseruuttoornernik, meningitisimik nappaateqalernermik kinguneqartartut ilanngunneqartalissapput.

Akiuussutissanik kapisisarnerup amerlanerusunut sammitinneqartalernissaanut 3,6 millionit koruuninik aningaasaliinissaq Naalakkersuisunit inassutigineqarpoq. Aningaasalli suminngaanniit pissarsiarineqarnissaat suli inissinneqanngilaq.

Nunatta inuisa 5 procentiinit 10 procentit angullugit katsorsarneqarsinnaanngitsumik tingulluuteqartut ilimagineqarpoq. Tingullunneq katsorsarneqartariaqaqisunik napparsimarululersitsisinnaavoq, taamaattumik Naalakkersuisut pinaveersaartitsinissamik suliniuteqarniarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat