Tine Pars Ilisimatusarfimmi rektoritut ingerlaqqissaaq
Ilisimatusarfimmi siulersuisut aalajangerput cand. scient., ph.d. Tine Pars Ilisimatusarfimmi rektoritut atorfinitsinniarlugu. Tine Pars 2009-miilli ukiumik killissaleriikkamik rektoritut atorfeqarsimavoq, taamaalillunilu pingajussaat taamak atorfinitsinneqarluni, tusagassiorfinnut nalunaarummi taama oqaatigineqarpoq.
Siulersuisut aalajangiinerminni pingaartissimavaat Tine Parsip piginnaaneqarluni ilisimatusarfiup periusissatut pilersaarutaanik ineriartortitsinissamut piviusunngortitsinissamullu qularnaarisimanera. Tamanna Ilisimatusarfimmi siulersuisut, aqutsisut, sulisut, ilinniartut avataaniillu suleqatigisat tamaasa qanimut suleqatigalugit pisimavoq.
Siulersuisunut siulittaasoq, Københavnip Universitetiani professori Minik Rosing atorfinitsinermut atatillugu ima oqaaseqarpoq: ”Tine Pars ilisimatusarnermut ilinniartitaanermullu politikkinut sakkortuumik piginnaaneqarpoq. Piginnaanerit Kalaallit Nunaannit aallaavilinnik nunat assigiinngitsut akornanni ilinniarnernut ilisimatusarnernullu ineriartortitsinissamut atorneqarsinnaapput. Taamaattumik nuannaarutigaara Tine ilisimatusarfiup sammivimmut tassunga ineriartorteqqinnissaanut, tamarmik ilisimatusarnermut, ilinniartunut inuiaqatigiinnullu kalaallinut iluaqutaasussat, suli peqataaffiginissaanut kissaateqarmat”.
