Tine Bryld: Filmi tiguartinnarpoq

- Filmip soqutigineqarnera assut nuannaarutigaara. Filimi suli naammassivinngittoq takunissaanut periarfissarqarnikuuvunga isumaqarpungalu attortinnartuusoq killitsinnarlunilu, Tine Bryld oqarpoq.

Meeqqat 22-it Danmarkimut aallartitsinneqarsimanerat kukkunerusoq, Tine bryld isumaqarpoq. Taamaakkaluartoq Tine Bryld isumaqarpoq pisimasoq akuerineqartariaqartoq, tamannalu qallunaat naalaagaaffiata kalaallit nunaannut utoqqatsernissaaniik pingaarnerutippaa.

- Isumaqarpunga aalajangerneq pitsaasuusimanngitsoq. Aalajangerneq kukkunerusimavoq. Kukkunerli annerpaaq tassaavoq qallunaat naalagaaffiat meeqqanut angajoqqaanullu pineqartunut susoqarsimaneranik nassuiaasimanngimmat, Tine Bryld oqarpoq.

- Meeqqat taakku ilisimanngilluinnarsimavaat Danmarkimut sunerlutik aamma sooq Kalaallit Nunaannut uernermi kingorna meeqqat angerlasimaffiannut inissinneqarnerlutik, Tine Bryld oqarpoq.

- Uanga taamatut inissisimatinneqarsimagaluaruma kissaatigisimassangaluarpara akuerineqassappat taamatut aalajangersimaneq ajortuummat, aammalu ajuusaarutigineqassasoq ilaqutariit taamatut atugassaqartinneqarsimammata. Kisiannili pisut pereerput isumqarpungalu qanga pereersut uninngatinneqartariaqartut, Tine Bryld oqarpoq.