Mianersoqqussut: Timmissat toqorartut attorniaqinagit

Appat, appaliarsuillu naajallu nammineerlutik Kujataani toqorarsimasut naammattoorneqartarsimasut, timmissallu toqorartut attorneqassanngitsut, Namminersorlutik Oqartussat mianersoqqussutigaat.

- Piffissami kingullermi timmissanik, tassaappat, appaliarsuit aamma naajat nammineerlutik toqorarsimasut Kujataani naammattoorneqartarsimapput, Aalisarnermut Piniarnermullu naalakkersuisoqarfik allappoq.

Timmissallu suna pissutigalugu toqorarsimanerat Pinngortitaleriffimmit misissuiffigineqaleruttortoq nalunaarutigineqarluni:

AAMMA ATUARUK Appat timmissat nualluutaannik toqquteqarsimasut

- Pissutaasoq erseqqissumik paasineqarsimatinnagu inuit kaammattorneqarput timmissanik pineqartunik attuinaveersaaqqullugit, innersuussutigineqarporlu timmissat nammineq toqunikut nerineqassanngitsut. Namminersorlutik Oqartussat taama allaaserisaqarput.