Timmissat pillugit nalunaarutissaq pillugu tusarniaaniaraluarneq kukkunerusoq
Aalisarnermut, piniarnermut nunalerinermullu Naalakkersuisoqarfiup timmissat illersugaanerat piniagaanerallu pillugit nalunaarutissap nutaap tusarniaassutigineqalerneranik nalunaaruteqaraluarneq tunuartippaa. Tamanna pivoq KNR.gl-imi allaaserineqarnerata kingorna.
Allattoq Jonas Løvschall-Wedel, Jens Thorin
novembarip 05-at 2014 14:43
Aalisarnermut, piniarnermut nunalerinermullu Naalakkersuisoqarfimmi suleriaatsikkut kukkuluttortoqarsimasoq Naalakkersuisoqarfiup nassuerutigaa.
Aamma atuaruk Timmissat pillugit nalunaarutissaq tusarniaassutigineqartoq
Radioaviisimmi paasissutissinneqarnera naapertorlugu, timmissat illersugaanerat piniagaanerallu pillugit nalunaarutissap nutaap tusarniaassutigineqalernera kukkuneruvoq.
Taamaammat nalunaarutissatut tusarniaassutigineqartoq Naalakkersuisoqarfiup taamaatiinnaraa nalunaarutigineqarpoq. Qinersinerup kingorna tusarniaasoqarumaartoq oqaatigineqarpoq.
