Timmissat pillugit nalunaarut naliliiffigineqassaaq

Naalakkersuisut timmissat pillugit nalunaarummut tunngasumut immikkut ittumik aqagu akuersissuteqalersaarput.

Danmarkimi timmiarsiuut nittartagaanni Netfugl.dk-mi tamanna atuarneqarsinnaavoq.

Immikkut ittumik akuersissuteqarnikkut upernaakkut miterniarneq eqqunneqaqqinnialerpoq.

Danmarkimi timmiarsiuut nittartakkaminni nunatta taamaaliorniarnera isornartorsiorpaat, inuillu akerliussutsiminnik takutitsillutik Namminersornerullutik Oqartussanut allaqquneqarput.

2002-mi Pinngortitaleriffiup misissuisimanerata inernerinut innersuusillutik, timmiarsiuut oqarput nunatta kitaani mitit 80 procentit tikillugit ikileriarsimasut.

Misissuereernerup kingorna Pinngortitaleriffimmiit oqaatigineqaraluarpoq, upernaakkut miterniartarneq mannissarniartarnerlu mitit ikiliartuinnarneranut pissutaasut.

Timmissat pillugit nalunaarut saniatigut immikkut iliortoqalersaarnersoq, avatangiisinut naalakkersuisumit, Jens Napaattuumit, uppernarunnaarsissinnaanagulu uppernarsisinnaasimanngilarput. Pisortaqarfimmili immikkoortortami pisortamit, Marianne Jensenimit, ilisimatinneqarpugut, timmissat pillugit nalunaarummut apeqquteqaat naalakkersuisut tungaaninngaanniit naliliiffigineqarumaartoq.

Naalakkersuisoq Jens Napaattooq oqarpoq naalakkersuisut tungaaninngaanniit aqagu aqaguaguluunniit iliuuseqalersaartoqanngitsoq.

Siumut sinnerlugu inatsisartuni ilaasortap Ole Thorleifsenip, naalakkersuisunut apeqquteqaateqarnermigut paaserusuppaa suliaq sumut killissimanersoq. Ole Thorleifsen Upernavimminngaanneerpoq, oqarporlu avannaani piniarnermut killilersuisoqangaatsiartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat