Timmissat pillugit nalunaarusiaq upernaamut aalajangiiffigeqquaat

Timmissat pillugit nalunaarusiaq naleqqusarneqarssimasoq ukiamut inatsisartut ataatsimiinneranni aatsaat suliarineqarnissaa inatsisartuni Atassutip ilaasortitaatitaasa utaqqinianngilaat
Allattoq Jaaku Lyberth
februaarip 24-at 2008 13:32

Aalisarnermut Piniarnermut Nunalerinermullu Naalakkersuisoq Finn Karlsen piniartut isumasioqatigiinneranni qanittumi ingerlanneqartumi oqarpoq, timmissat pillugit nalunaarusiap allannguutissaa ukiamut atuutsilernissaa naalakkersuisut naatsersuutigigaat.

Atassutip inatsisartuni ilaasortaatitaasa paragraf 36 atorlugu apeqquteqaateqarnerminni allapput, naalakkersuisut inatsisartunit peqquneqartut, timmissat pillugit nalunaarusiap nutarterneqartup tulluartunngorsakkallu upernaamut timmiarnerup aallatinnginnginnerani naammassereersimanissaa, taamaalillutik piniartut amerlanerusunik timmisanik pisaqarsinnaaniassammata, Atassutip inatsisartuni ilaasortaatitaasa apeqquteqaateqarnermini allapput.

Timmisat pillugit nalunaarusiap suliarineqarnerata kinguartinneqarnera Atassutikkunnit akuerineqanngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq