Timmissat piaqqiorfii qanoq qanitsigalugit angalaartoqarsinnaaneq allangortikkusuppaat

Timmissanut nalunaarummut nutarterutissatut siunnersuutit ilagaat, timmissat piaqqiorfii illersugaasut qanoq qanitsigalugit angalaarsinnaanerup allanngortinnissai. Piniarnermut naalakkersuisoq Finn Karlsen oqarpoq.
aggustip 25-at 2008 17:39

-Eqqissisimatitsiviit eqqarsaatigalugit qanoq qanitsigalugit timmisartumik angallammillu ingerlaartoqarsinnaaneranut allanngortiterinissaq eqqartorneqarpoq.

Taakualu naalakkersuisuni nalilersoqqissaarneqassapput.

Suleqatigiissitaliami peqataasut siunnersuusiungaatsiarsimapput, piffiit assigiinngitsut eqqarsaatigalugit takuneqarsinnaavoq, nutarterutissatut siunnersuutip qangaanerusoq eqqissisimatitsinissamut nalunaarut maannakumut nalunaarummiit qaninnerugaa, nalimmassarnweqarlunilu inuit nerisartakkaminnik ilangiisinnaalernissaat imaanngitsoqrli killeqanngitsumik piniarsinnaalertoqassasoq. Finn Karlsen oqarpoq

Amerlasuut aqerlumik sanaat inerteqqutaalernissaat suli aaliangiunneqanngilaq.

-Aqerlut arrortinneqarsinnaanerat ajornartorujussuuvoq, qaqugukkullu inatsisitigut allanngortinneqarsinnaanera oqaatigiuminaatsittorujussuuara aamma piniartut atortutigut allanngortiteriffigineqassanersut paasiniaqqaagassaavoq, erseqqissumik paasisaqarnikuunginnatta nalilersoqqissaartariaqassavarput.

Timmissanut pillugit nalunaarut nutaaq januaaarip aallaqqaataani 2009-mi atulersussatut siunniunneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq