Timmissat nualluuttaat akiorniarpaat

Timmissat nualluutaat H5N1-imik taaguutilik, inunnik toqutigineqarsinnaasoq akiorniarlugu, akiuussutissamik nassaarniarlutik ilisimatuut ulapputileruttorput.

Qaammat kingulleq timmissat nappaataannut akiuussutaasinnaasoq, Ungarnimi ilisimartuunit saqqummiunneqarpoq, maannakkullu aamma amerikamiut ilisimatuui akiuussutissamik assingusumik nassaarsimanerarput, taama nakorsat aviisiat The New England Journal of Medicine allappoq.

Akiuussutissaq inunnut 451-inut misiligutigineqarsimasoq, University of Rochester Medical Centerimi New York-imiittumi nakorsaq John J. Treaner oqarpoq. Misiligutaasuni inuit affaat timiminni akiuussutissamik pilersitsisimapput.

Timmissat nualluutaat akiorniarlugu, misissuilerneq aallaaveqarpoq, 2004-mi nukappiaraq mikisoq timmissat nappaataanik Vietnamimi toqquteqarersorlu.

John J. Treaner-ip USA-mi pisortat kajumissaarpai, akiuussutissap nassaarineqartup amerlasuunngorlugu sananeqarnissaa, naatsorsuutigineqarmammi sapaatit akunneri pingasut qaangiuppata timmissat nappaataanik napparsimanersuaqalissasoq. Aamma Alaskami ukiaru timmissat napparsimalernissaat ilimagineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat