Timmissat nualluutaat Europap kippasissuani nunani arfinilinni siaruaappoq, ilaatigut Danmarkimi. Randersimi kukkukuut katersuussimasut akornanni timmissat nualluutaannik nassaartoqarpoq.Assi: Bo Amstrup/Ritzau Scanpix

Timmissat nualluutaat Europap kippasissortaani nunani arfinilinnit ikinnerunngitsuni tuniluuttoq

Timmissat nualluutaat Danmarkimi, Frankrigimi, Tysklandimi, Tuluit Nunaanni, Hollandimi Belgiamilu tuniluuttoq paasineqarpoq.

Timmissat nualluutaat Europap kippasissuani nunani arfinilinni siaruaappoq, ilaatigut Danmarkimi. Randersimi kukkukuut katersuussimasut akornanni timmissat nualluutaannik nassaartoqarpoq. Kukkukuut pineqartut 25.000-iusut tamarmik toqunneqassapput.

Timmissat nualluutaat sukkasuumik tuniluuttartoq, H5N8, Korsikami uumasueerniarfimmi Frankrigimi oqartussat ataasinngornermi siumorpaat. Uumasueerniarfimmi timmissat tamarmik kingorna toqunneqarput.

Timmissat nualluutaat siumorneqareersorlu Frankrigimi nunanilumi allani upalungaarsimanerulerput.

Tysklandip avannarpasissortaani timmissat nualluutaat siumorneqareersorlu qingalissuit 16.000-init ikinnerunngitsut toqunneqarnissaat oqartussat piumasaraat.

Timmissat nualluutaat Hollandimi, Tuluit Nunaanni Belgiamilu aamma siumorneqarpoq.

Timmissat nualluutaat Ruslandimi Kasakhstanimilu aasaq tuniluutilerpoq, Europallu kippasissuani qaammatini kingullerni siaruaalluni.

Danmarkimi inuussutissanut aqutsisoqarfia naapertorlugu timmissat nualluutaannik Europami maanna siaruaattumik inunnik tunillatsittoqarnikuunngilaq.

Timmissat nualluutaat Europami maanna tuniluuttoq inunnut siornatigut aattuussimanngitsoq, Danmarkip inuussutissanut aqutsisoqarfia ilisimatitsivoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat