Qussuit toqungasut marluk Tysklandip avannarpasissuani nassaarineqarnerisa kingorna, qussuit Danmarkimi toqusimasut marluk timmissat nappaataannik toqquteqarsimanersut danskit inuussutissaqarnermi nakkutilliisuisa misissortippaat.
Nunatsinnili qanoq upalungaarsimasoqarpa?
Nunatsinni ernummatissaqarnersugut Peqqinnissaqarfimmi pisortaq Søren Rendal aperaarput.
-Maannamut ernummatissaqanngilluinnarpugut; timmiaativummi aallartartut suli timmissat nappaataannik eqqugaanngimmata. Nappaalli maanga takkutissagaluarpat akiuussutissaateqareerpugut, taakkulu qanittukkut tikisittussaavavut.
- Ukiut tulliuttut pingasut ingerlanerini ukiumut 700.000 kr.t timmissat nappaataannik akiuussutissanik pisinissanut atugassat immikkoortereerpavut – Peqqinnissaqarfimmi pisortaq Søren Rendal naggasiivoq.