Timmissat nappaataat Japanimi siaruaakkiartorpoq

Timmissat nappaataannik Japanimi nassaartoqaqqissimasoq Japanimi oqartussaasut nalunaarutigaat.

Timmissat nappaataat Japanimi ukioq manna aappassaat taamaasilluni siumorneqarpoq.

Japanip kimmut kujasissortaani timmiaateqarfimmi timmissat nappaalapput.

Nutaarsiassaqartitsivik Ritzau taama allappoq.

Timmissat 50.000-it maanna toqorarneqalereerput.

Virus-i H5N1-imik taaneqartartoq, inunnillu eqquisinnaasoq, timmissat nappalassutigigaat oqartussat nalunaarutigaat.

Inummilli napparsimalersimasumik suli nassaartoqarsimanngitsoq aamma nalunaarutigineqarpoq.

Inuit 163-it timmissat nappaataannik maannamut toqquteqarsimapput, timmissallu 200 millioninit amerlanerusut toqorarneqarsimallutik.