Timmissat nappaataat Indonesiami
Naalagaaffiit Peqatigiit peqqinnissakkut suleqatigiiffiat WHO nalunaarpoq Indonesiami timmissat nappaataannik inuit pingasut nappaateqarnerat paasineqartoq.
Angutit pingasut H5N1-imik nappaateqarnerat Indonesiami oqartussat nalunaarutigiitigalugu ilisimatitsissutigigaat niviarsiaqqap sapaatip-akunnerata aallartilaarnerani toqusup timmissat napaataat toqqutigisimagaa.
Naalagaaffiit Peqatigiit peqqinnissakkut suleqatigiiffiata Hongkongimi misissuiviani nappaatit sorpiaaneri paasineqarput
Timmissat nappaataannik tunillatsissimasut ilagaat angut 18-inik ukioqartoq, sulorarnermi arsaaqqanik timmissat meqqui atorlugit sanaartortartoq. Nappaat toqqutiginngilaa, Surabayamili napparsimmavimmiittoq oqartussat nalunaarput.
Angut alla 43-nik ukiulik Jakartami uninngavoq, Jakartamioqataa angut 39-inik ukioqartoq toqoreersimavoq, qangarpiarli toqusimanera ilisimaneqarani.