Timmissat anaasa Issittoq nillorsersinnaagaat
![](/sites/default/files/styles/image_934x467/public/article_images/qilanngaq_0.jpg?itok=NoSFbJaf)
Timmissat imarmiut aallartartut Issittumi aasarsiornerminni qaqqajunnaat annaminnik qalipattarpaat. Anaasa ammoniakkimik akoqarluarnerisa Issittup silaannaa annikikkaluamik nillorsartaraat misissuisartut paasisimagaat Sciencemi allaaserineqarpoq.
Nunavumi aasaanerani misissuinermi paasisat naapertorlugit misissuisartut naqissuserpaat aasaanerani ammoniakkit sananeqaataat timmissat anaanneersoq silaannarmut aniasartoq.
Ammoniakkilu silaannarmiileraangami imermik svovlsyremillu suleqateqalersarneranik nuissanik pinngortitsisarpoq.
Nuissat pinngortut nuissanit nalinginnarnit appasinnerusarput seqernullu qinngorneranik tigooraasarlutik. Taamaasillutik nuissat appasissut piffimmi aalajangersimasumi nillorsiisutut sunniuteqartarlutik.
Nuissat pinngortartut sumiiffimmi malunnaatilimmik sunniuteqartartut misissuisartut oqaatigaat. Taamaakkaluartorli silaannaap kissatsikkiartornera sukkaqimmat pinngortartut iluaqutaanatik.
Misissuisartut nalunaarusiaat Nature Communications-imi atuarneqarsinnaavoq.