Timmisartoq 231-nik issimasoqarlunilu qulinik sulisoqarluni Denverimit Hawaiimukartussaagaluarpoq. Timmisartup motooriiarnerani ajoqusertoqanngilaq.Assi: Toshifumi Kitamura/AFP/Ritzau Scanpix

Timmisartuutileqatigiiffiup Boeingip timmisartuliai atorunnaarallarai

Timmisartuutileqatigiiffik, United Airlines, Boeingip timmisartuliaata ilaanik tassa arfininngormat motooriartup assinginik timmisartuussiunnaarallarpoq.

Timmisartuutileqatigiiffiup United Airlinesip timmisartut Boeing 777-it atorunnaarallarpai. Timmisartormi taamaattoq sapaatit-akunnerata naanerani motooriiarpoq, USA-milu illoqarfimmut Denverimut ajornartoorluni nunnittariaqarsimalluni.

USA-mi taama pisoqareersorlu, Japanimi oqartussat sukannernerusumik iliuuseqarput, Boeing 777-it atorunnaarallartillugit.

Japanimi siorna decembarimi assingusumik pisoqarsimagunarpoq.

Timmisartoq Boeing 777-eq decembarip ulluisa sisamaanni qangattarsimatsiaannarluni motooria ajoquteqalersimasoq, Japanip angallannermut ministereqarfiata ilisimatitsissutigaa.

AAMMA ATUARUK Boeingip timmisartuisa ilaannik Europami timmisartuussisoqaqqissinnaalertoq

Tamanna USA-mi arfininngormat pisumut assinguvoq, timmisartormi Denverimit qangattarsimatsiaannarluni motooria talerperleq qaartoorlunilu ikuallalerpoq.

Motoorip ikullannera ilaasumit assilineqarsimasoq takuneqarsinnaavoq.

Timmisartoq 231-nik issimasoqarlunilu qulinik sulisoqarluni Denverimit Hawaiimukartussaagaluarpoq. Timmisartup motooriiarnerani ajoqusertoqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat