Floridami innutaasuni 11 milliuuniiusuni to milliuunit pingasunngornermi unnukkut innaalliagiaqanngitsut, nutaarsiassaqartitsivik AFP allappoq.Assi: Sean Rayford/AFP/Ritzau Scanpix

Timmisartuussinissaraluit 5000-t missaat ulussaarsuarnerani taamaatinneqartut

USA-mi Floridap ilarujussuani ippassaq pingasunngornermi ulussaarsuarnerani innaallagiaaruppoq timmisartuussinissarpassuugaluillu tuusintilikkaat taamaatinneqarlutik.

Timmisartuussinissaraluit 2000-erluinnangajaat Amerikami naalagaaffimmi Floridami ulussaarsuaqarnerata kingunerisaanik sisamanngornemi taamaatinneqarput.

Ulussaarsuaq Ianimik taaguuteqartinneqartoq sakkortunerpaagami akunnermut 240 kilometerisut sakkortussuseqarpoq.

Floridap kujaataata kippasinnerusortaata annersaa pingasunngornermi innaalligiaaruuppoq.

Amerikamiut aviisiata The New York Timesip allaaserisaa kingulleq naapertorlugu ulussaarsuaq Ian nunamut illukariartornera ilutigalugu qarsutsinerit annertusiartorput tamatumalu kingunerisaanik innaallagiaaruttoqarluni.

AAMMA ATUARUK Caribiap ilaani anorersuarujussuartuarsinnartoq

Ulussaarsuaq Ian USA-mi ukiut kingulliit qulikkaat ingerlaneranni anorersuarujussuarni sakkortunerpaasoq, The New York Timesimi allaaserineqarpoq.

Floridami guvernørip Ron DeSantisip oqarnera naapertorlugu naalagaaffiup Floridap oqaluttuarisaanerani anorersuarujussuit sakkortunersarisinnaavaat.

Floridami innutaasuni 11 milliuuniiusuni to milliuunit pingasunngornermi unnukkut innaalliagiaqanngitsut, nutaarsiassaqartitsivik AFP allappoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl