Timmisartuussinermik isumaqatigiissutit Air Greenlandip kisimi ingerlappai
Tamannalu pillugu Jens Immanuelsen naalakkersoq Steen Lyngemut inatsik §37 atorlugu apeqquteqarpoq, naalakkersuisut eqqarsaatigisimaneraat timmisartuutileqatigiinnik allanik isumaqatigiissusiorniarnersut, tamannalu Steen Lyngep naaggaarpaa.
Kiffartuussinissami isumaqateqarfiusumi matumani Air Greenlandiungitsumik isumaqatigiissusiorneqarnissamut pilersaaruteqangillat. Taamaattumik naalakkersuisut isumaqarput, sumiiffiut ataatsip iluani timmisartuussisarnermi ingerlatsisunik arlaliunerusunik kiffartuussinissamik isumaqatigiissutit aaqqiissutaasinnaanngitsut.
Naalakkersuisut silaannakkut angallannermut isumaqatigiissusiortarnerat pissuteqarpoq, silaannakkut angallanneq niuerpalaartumik ingerlanneqarsinnaangimmat.