Timmisartuussinermi akit qaffassapput
Narsarsuup København-illu akornanni timmisartuussinermi akit qaffassapput, tamatumalu kingorna Kalaallit Nunaani timmisartuussinermi ingerlaarfiit ilaanni aamma akit qaffassallutik.
Taamatut oqarpoq timmisartortitseqatigiiffip Air Greenland-ip pisortaanera Michael Binzer avisiimi Sermitsiami ullumikkut saqqummersumi atuarneqarsinnaasumi.
Timmisartukkut ingerlaarffiit akitsuiffigineqartussatut ilimagineqartut tasaapput, Upernavik, Uummannaq, Aasiaat, Maniitsoq, Paamiut aamma Narsarsuaq, Michael Binzer oqarpoq.
Taamaakkaluartoq timmisartukkut ingerlaarfiit allat akikinnerulissapput. Imarpik qulaallugu timmisartuussisarnerni
timmisartortitseqatigiiffik SAS unammillerfiginiarlugu, aasaanerani Kangerlussuup København-illu akornanni Air Greenlandip timmiisartuussisarnerni akit appartinniarpai. Timmisartuussisarnerni ingerlaarfiit imminnut akilersinnaasutut taaneqarsinnaasut, Nuuk Sisimiut Ilulissallu akornanni timmisartuussinerni akit appartinneqarnissaat Michael Binzer-ip natsersuutigai.
Unammillerfiusuni timmisartuussinerit akikinnerulissapput, unammillerfiunnngitsunilu timmisartuussinermi akit qaffassapput timmisartuussinerillu akuttunerulissallutik, timmisartuutitseqatigiiffiup Air Greenland-ip pisortaanera Michael Binzer aviisimi sermitsiami apersorneqarluni taamatut oqarpoq.