Timmisartuussinerit kinguartoorfiupput

maajip 12-at 2005 11:39

Nunatta sineriaani silarlunnerujussua peqqutigalugu ullut arlallit timmisartuussinerit unitsinneqartarsimapput, Kangerlussuarmi angalasunik uninngatitsisumik. Massakkulli timmisartut qeqqani aallartaleqqittut Air Greenland-imit nalunaarutigineqarpoq.

- Nuumminngaannit Paamiuliartussaq Kangerluarsualiartussarlu taamaatiinnarneqarput, taamatuttaaq Maniitsuminngaannit Sisimiukkoorluni Kangerlussualiartoq aamma taamaatiinnarneqarpoq. Taakku saniatigut soorlu timmisartorsuaq Danmarkimeersoq aamma kinguaattuulaarpoq. Air Greenland-imi tusagassiisartoq Tupaarnaq Rosing Olsen oqarpoq.

Nuummi sila ipparsarli anorersuarpoq siallerlunilu, ullaamannalu siallingaatsiarpoq.

Asia-p nittartagaani takuneqarsinnaavoq Nuummi ullaaq nalunaaqutaq qulinut 13 mm-iterimik siallersimasoq. Siallingaatsiarsorigaannili 1958-mut sanilliullugu annikitsuaraannaavoq, taamanimi Nuummi ullup ataatsip ingerlanerani 75,9 mm-imik siallersimagami, Asiami silamik misissuisartoq Ellen Laursen oqaluttuarpoq.

Umiarsuit sinersortaatit angalaneri kinguartoorfiunngitsut Arctic Umiaq Line-mit oqaatigineqarpoq.