Timmisartuussineq uninngavoq
Silap unerisimannginnerujussua pissutigalugu timmisartumik angalaniarneq ulloq naallugu kinguaattoorfiullunilu timmisartuussinissanik taamaatitsiinnarfiuvoq.
Nuummiit Maniitsumut aamma Sisimiuniit Kangerlussuarmut timmisartuussinissat pingaartumik eqqugaapput.
Imarpik qulaallugu Kangerlussuarmiit Københavnimut timmisartorsuaq utertussaq ualeq tallima-qeqqa aatsaat aallarpoq – tassa nalunaaquttap akunnerink arfinilingajannik kingusinaarluni.
Suluusallit Dash-7-t marluk Nuummiit Kangerlussualiarsinnaanissaat Air Greenlandip neriuutigisimagaluarpaa, ilaasussat Danmarkiliartussat angumersisinnaanissaat eqqarsaatiginerullugu.
Tamanna iluatsinngitsoorpoq, imarpik qulaallugu ullumikkut timmisartortussaagaluit aqagu sisamanngorpallu timmisartorsuarmut ilaasussanngortinneqaannarput.
Kalaallit Nunaanni illoqarfiit akornanni timmisartuussinissaq juullip tungaanut iluatsinniarlugu ullut tullii marluk immikkut timmisartuliisoqartassasoq, Air Greenland ilisimatitsivoq.
