Timmisartuussineq kinguaattooqqavoq

Timmisartuutileqatigiiffiup Air Greenlandip timmisartorsua imarpik qulaallugu angalasartoq, Airbus 330, Norsaq, ullumikkut Københavnimut Københavnimiillu ingerlaanngitsoorpoq.

Norsap angalanissaata taamaatitsiinnarneranut pissutaavoq timmisartup pisatassaa sillimmatissaq kukkusoq USA-miit tunniunneqarsimammat.

Airbus-imut taarsiullugu timmisartoq alla, Kunuunnguaq, issimasukinnerusinnaasoq, angalasussanngortinneqarpoq.

Timmisartorsuaq taanna nalunaaquttap akunnerata affaata matuma siorna Københavnimiit aallarpoq.

Kangerlussuarmut tikissaaq unnugu nal. arfineq-pingasut missaanni.

Ilaasussat inissaarukkallartut sinneri aqagu aqaguagulu ingerlanniarneqassapput.

Nunatsinni timmisartuussinissat pilersaarusiaq immikkut ittoq atorlugu ingerlanneqassapput.

Timmisartumik angalasussat tamarmik Air Greenlandimit qinnuigineqarput Tekst TV aammalu ”Ullumikkut Timmisartuussinissat” misissorluartaqqullugit, taakku ima iserfigineqarsinnaapput: www.airgreenland.gl

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat