Timmisartuussineq immaqa aqagu naliginnaalissaaq
Maannakkorpiaq nunatsinni silaannartaq oqartussanit ”zone 2”-tut, tassa mingutsinneqarsimagunartutut, taaneqarpoq. Tassanilu timmisartuutileqatigiit angalassagunik timmisartuliorfiinnit, motooriliortuniit aammalu sillimmasiisartunit timmisartunillu piginnittunit kiisalu Naalagaaffiup silaannakkut angallannermut qullersaqarfianit akuersissutinik peqqaassapput.
Ilimasaarutit takutippaat nuissat ”zone 2”-mik taasat sisamanngornermi unnukkut tallimanngornerullu unnuaani nunatta silaannartaaniit piissasut. Air Greenlandillu naatsorsuutigaa nunatta iluani timmisartuussinerit tallimanngornermi ullaarnganiit aallartissinnaassallugit.
Timmisartullu Airbus 330-200-mik zone 2-mi timmisartuussinissamut akuerineqarnissaa siunertaralugu maannakkut qinnuteqaateqarneq aallartinneqarpoq. Suliaq annertoorujussuuvoq, taamaattumillu Airbus-i ilaasoqarsinnaanerummat siulliullugu pingaarnertut qinnuteqaassunneqarpoq.
Air Greenlandip aamma Jet Time-miit timmisartunik attartorpoq, tallimanngornermi København-imiit Kangerlussuarmut aammalu Københavnimiit Narsarsuarmut timmisartuussisussanik. Jet Time-p timmisartuutini Boeing 737-400 –t zone 2-mi atorneqarsinnaasutut akueritissimavai. Ilaasussat ullumi nal. 19 kingorna Air Greenlandimit toqqaannaq attavigineqassapput.
GL782 ullumi nalinginnaasumik Kangerlussuarmiit Københavniliartussaq aqagumut kinguartinneqarpoq, ualimullu nal. 17.00 annertunerusumik paasissutisseeqqittoqassaaq.
Ullumi nunatsinni nal. 17.00 paasissutisseeqqittoqarnissaa naatsorsuutigineqarpoq, kissaatigaarpullu ilaasussat taassuma tungaanut naammagittarnissaat.
