Timmisartuussineq

Kitaani pujoq ulluni kingullerni silaannakkut angallannermik assorsuaq akornusersuereersorlu Air Greenlandip ualiartoq nalunaarutigaa angallanneq siumut aallaqqilersoq.

Aqqutit putsumik eqqugaasut ilai ullumi timmisartuussiviupput timmisartorsuarlu Københavniliartoq ullumi piffissaq eqqorlugu Kangerlussuarmiit tingivoq.

Nuup Maniitsup Sisimiut Kangerlussuullu akornanni ilaasut amerlanersaat apuuffissaminnut apuunneqareerput. Aamma Qaanaamut timmisartuussisoqarpoq utimulli Upernavik qulaatiinnarlugu timmisartoq Ilulissanukarpoq, Upernavimmi pujornera pissutigalugu. Maanna timmisartuussiviunngilersut tassaapput Ilulissat Qaarsut kiisalu Upernavik. Naatsorsuutigineqarpoq ullup ilaa Kangerlussuarmiit Ilulissiartoqarumaartoq, sila pitsanngoriartormat.

Ilaasut Kangerlussuarmi kanngissimasut apuuffissaannut apuunniarlugit Air Greenlandimit naatsorsuutigineqarpoq unnuk ilanngullugu timmisartuussisoqarnissaa, timmisartorlu kingulliulluni Nuummut tikittussaq arfineq-pingasut qaangerlugit tanneq sisamat apuutissangatinneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat