Timmisartut ulluni arlalinni aallanngitsoornissaaannit 900-it eqqugaassasut

Kalaallit Nunaata kitaata sineriaa nittaalartalimmik anorlingaatsiarpoq, taamaattumillu ullumikkut timmisartuussinissamut pilersaarutit amerlanersaat naammassineqarsinnaanngillat.
Allattoq Kenneth Elkjær
maajip 31-at 2018 11:49

Arfininngornerup tungaanut silalluinnassangatinneqarpoq, taamaammallu  aamma tallimanngornermi timmisartuussinissat kinguaattoorfiussapput taamaatitsiviussallutillu.

Ullup tulliini piffissanik eqquisinnaannginnermi ilaasussat 900-t tikillugit eqqorneqassapput, taakkunanngalu amerlasuut ajoraluartumik Kangerlussuarmi aqagu unnuisariaqassapput.
Arfininngorpat silaqqisseriarpat timmisartut tamaasa atorneqassapput.

Imarpik qulaallugu angallannermi timmisartup saniatigut allamik attartortoqarsinnaanngilaq, taamaammallu sapaammi juunip ulluisa pingajuanni unnukkut angallassisoqassaaq, kalaallit nalunaaqutaat malillugu 21.15 aallartussatut naatsorsuutigineqartumik.

Pilersaarutit naammassineqarsinnaassappata, ilaasussat kingulliit 100-t ornitaminnut ataasinngornermi apuunneqarsinnaanissaat naatsorsuutigineqarpoq.

- Timmisartuussinernut pilersaarutit nutaat inissinniarlugit ulapputtoqartorujussuuvoq, ullumikkullu ilaasussat ilaaffissaat allanngortiterneqarput, taakkulu ualip ingerlanerani angalanissanut pilersaarutinik nutaanik nassinneqarnissartik naatsorsuutigisinnaavaat, air Greenlandimiit oqarpoq.

 

Aamma atuaruk