Timmisartut silamik saperngusinnaapput
Sila juullimut angallattunut suli kinguaattoortitsigaluartoq, taamaattorli timmisartut ingerlaqqilersut Air Greenlandip nalunaarutigaa.
Ullaaq manna timmisartut dash sevenit tallimat Nuummiit aallarput.
Kinguaattoornerilli pinngitsoorneqarsinnaanngitsut, tuniniaanermut niuernermullu pisortap Hans Jørgen Mørchip erseqqissaatigaa.
Manna tikillugu Dash sevenit sisamat Nuummiit Kangerlussualiarput, utimullu ilaasunik Kangerlussuarmi kanngissimasunik assartuissallutik. Dash seveni ataaseq Nuummiit Maniitsukkuussalluni Kangerlussualiarpoq, taamaattorli Maniitsumut missinnaannginnami qaangiinnarlugu Kangerlussuarmut ingerlaannarpoq.
Timmisartorsuaq Københavnimiit ullaaq manna piffissaq eqqorlugu aallartoq, air Greenlandip aamma nalunaarutigaa. Pilersaarutigineqartutuullu Kangerlussuarmut tikissasoq naatsorsuutigineqarluni. Timmisartorsuup Danmarkimut uternissaminut aallarfissani akunnernik marlunnik kinguartippaa, taamaalilluni ilaasussanik angumersisinnaasunik amerlanernik timmisartuussisinnaanissaminut piffissaqarnerutitsiumalluni.
Air Greenlandip erseqqissaatigaattaaq timmisartup inuttai aqutsisoqarfillu inuit apuussinnaajumallugit tamaviaarlutik, taamaattorli sila apeqqutaaqisoq ilanngullugu erseqqissaatigaat.
