Canadamiorpassuit ajunaarnerat ministeriunerup Justin Trudeaup aliasuutigaa.Assi: Ritzau Scanpix

Timmisartup Iranimi nakkartinneqarnerani Canadami aliasunneqartoq

Canadami ulluni makkunani aliasunneqarpoq. Ukrainemiummi timmisartuat Iranip illoqarfiisa pingaarnersaata Teheranip eqqaani nakkartinneqartoq Canadamiunik 57-inik issimasoqarpoq.

Timmisartumi issimasut 176-it akornanni 138-t Canadaliarput. Amerlasuut Canadami ilisimatusarfinni illinniartuupput, juullimi feeriareerlutik angerlartut. Katerngaat meeqqallu 25-t issimasunut ilaapput.

Katerngaat Arash Pourzarabi Pouneh Gourjilu University of Albertami datalogimi ilinniartuupput. Katerngaat angalanerminnit Canadamut utertut, BBC-p allaaseraa.

Niviarsiaqqat marluk Canadameersut, Daria aamma Dorina Mousavi, ajunaartunut ilaapput, Angajoqqaavi University of Albertami ilinniartitsisuugaluarput.

Ministeriuneq Justin Trudeau ilaqutaasunut misiginneqataavoq.

Canada atorfilittatigut Iranimik atassuteqanngilaq, Iranimilu tamanna pillugu aallartitaqarfeqarnani.

Timmisartulli nakkarneranut pissutaasut iternga tikillugu misissorneqarnissaa, ministerunerup Trudeaup neriorsuutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat