Timmisartup bremsii ajormata qangattanngitsoorpoq
Timmisartup Savalimmiuni timmisartuutileqatigiiffimmit Atlantic Airways-imit pigineqartup Savalimmiuni Vágar-ip mittarfianit qangattarsalernerani timmisartup bremsii ajortoqartut timmisartortartup paasisimavaa.
Qangattarsaleruttorneq taamaatiinnarneqarpoq, timmisartorlu mittarfiup avataanut sangutinneqarluni.
Timmisartoq Londoniliartussaagaluarpoq, issimasunillu ajoqusertoqanngilaq.
Timmisartuutileqatigiiffik Atlantic Airways ajutoornernik ukiup ataatsip ingerlanerani eqqorneqaqattaarpoq.
Timmisartuutaat Norgemi Stord-imi ukioq minnialerluni ikuallalersimavoq. Inuit sisamat, saqisoq Savalimmiormiu, uuliasiortullu qillerivianni sulisut pingasut Norge-meersut ajunaarput.
Atlantic Airways-ip timmisartuutai sisamat isumannaallisaaniarneq pillugu ukiup ataatsip ingerlanerani mitsinneqartariaqarsimapput. Timmisartup bremsii ajoquteqartut matumani pineqarput.