Timmisartunik inuttaqanngitsunik alapernaarsuisitsisarnialerput

Timmisartunik inuttaqanngitsunik alapernaarsuisussanik - dronenik, tassa igutsannik angutivissanik, taaneqartartunik, Tuluit Nunaanni oqartussaasut pilersitsiniarlutik periarfissarsiulerput. Timmisartut taamaattut Afghanistanimi Pakistanimilu maanna atorneqarput, Tuluit Nunaatali pilersaarutigaa timmisartut taamaattut namminneq najugarisaminni naatsiivimminnilusooq alapernaarsuitittalerniarlugit, soorlu Tuluit Nunaanni innuttaasut, sulerisarneri alapernaarsorniarlugit.
januaarip 24-at 2010 14:19

Tuluit Nunaanni aviisimi, The Guardianimi, ullumi allaaserineqarpoq, sakkuliorfik DEA-Systems, timmisartunik taakkuninnga sanaartortuusoq, Tuluit Nunaannilu oqartussaasut illoqarfimmi Kentimi politiit suleqatigalugit inniminniisimasuunerarpai, eqqarsaataavorlugooq timmisartut taakku inuinnarnit atugaalernissaat. Soorlu taakku atorneqarsinnaassapput aqqusinikkut silannakkullu angallannernut, akerliussutsimik takutitsinernut, tillinniarnernut, nunalerinermut atortunik tillinniarnernut tamakkulu assigisaannut nakkutilliinissamut...tassa politiit oqarnerattuut umiarsuit Tuluit Nunaanni ikerasaliakkut angallannerat kisimi alapernaarsorneqassanngitsoq eqqarsaatigineqalerpoq.

Aviisimi The Guardianimi allaaserineqarpoq timmisartut taakku alapernaarsuutit Londonimi 2012-imi OL-qalersinnagu atorneqalernissaat naatsorsuutigineqartoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq