Timmisartuni ilaasut imermik nassartaleqqissanngikkallarput

Puiaasat imermik imallit tipigissullu puui nassatani tigumiaannakkaneeqqusaanngillat, tamannalu timmisartorlutik angalaniartut amerlanersaasa suli naatsorsuutigisariaqaraat, Europami angallanneq pillugu ministerit ataatsimeeqatigereerlugit EU-mi angallannermut kommissæri, Antonio Tajani, taama oqarpoq.
oktobarip 09-at 2009 15:41

- Peqqarniisaartarneq akiorniarparput issimasullu toqqissisimanissaat qulakkeerniarlutigu. Issimasulli isumannaatsuunissaat pingaarnerpaavoq, Antonio Tajani oqarpoq.

Unngiarnermi qapunnik, hårlakkinik assigisaannillu timmisartoqarfinni annerniit 2012-imiit nassataqaqqittoqartalernissaq EU-Kommissionip ilimagaa. Timmisartoqarfinnili minnerni tamanna aatsaat 2014-imi atuutilissagunarpoq.

Timmisartumut ilaasussat imerpalasunik liiteri ataaseq sinnerlugu angissusilinnik nassatani tigumiaannakkani nassartaleqqissinnaanissaat 2010-mi apriilimi pisinnaalissasoq EU-Kommissionip neriuutigisimagaluarpaa. Teknologilli nutaap, maligaasat sukkasuumik atorlugit misissuilluni erngit nalinginnaasut ikummatissanit qaartuujasunit immikkoortinneqarsinnaalernissaat, suli utaqqineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq