Timmisartumit mamakujuttunik nakkaatitsisarneq filmeliarineqartoq

Ukiut 52-it matuma siornatigut  niuertarfimmik Hudsonip kangerliumangarniittumi piginnittoq  timmisartortartuusorlu Johnny May,
aalajangerpoq timmisartumik nunaqarfik Kuujjuaq qulaavaallugu  meeqqat mamakujuttussaannik nakkartitsisalerniarluni.   

Canadap naalaagaaffiata TV-eqarfiata CBC- TV-ip  timmisartumiiit mamakujuttunik nakkartitsisarnerup oqaluttuassartaa titartaganngorlugu filmeliarineqarnera juulli sioqqullugu takuteqqaarneqarpoq.  

Filme tuluttut taaguuteqartoq The Great Northern Candy Drop mamakujuttunik nakkartitsisartorsuarmik taaneqarsinnaavoq.

Filme juullerpalaartuuvoq, tassani oqaluttuarineqarpoq  Canadamiup atorfillip  arnap  Canadap kujataatungaaneersup Johnny May timmisartumiit nakkartitsisarneranik unititsiniaasoq, timmisartumiit nakkartitsiarneq inerteqqutaammat.

Atorfilik arnaq taanna nunaqarfimmut Kuujjuarmukarpoq Johnny May unitsinniarlugu,  kisiannili Kuujjuarmi juullisiortut nuannaarnerannit sunnertippoq, Johnny Mayilu ikiulerlugu.

Filmemi  piviusumik aallaaveqartumik takusassaqarpoq.  Anorersuartorsuusoq Johnny May timmisartorluni niviarsiaraq naggueqatigiinni inunneersoq appusaasimasoq annaakkaa filmemi takuneqarsinnnaavoq. Niviarsiaraq uunnassereerlugu anorersuartukkut  ingerlareerlutik annannerat filmeliarineqarpoq.

Johnny Mayip timmisartumiit mamajakujuttunik nakkartitsisarnera ukiut 52-it matuma aallartittoq  tusaamaneqarlunilu nuannerineqaleriartuinnarpoq.

Johnny May maanna 70-it sinnerlugit ukioqalereeraluarluni mamakujuttunik timmisartumiit nakkartitsisarnini attatiinnarpaa.

Juullip ulluisa aappaanni Johnny May timmisartuaqqaminik aappaluttumik qalipaatilimmik  Kuujjuaq qulaavaassavaa, tassangaaniillu sukkuaqqanik sukkulaatinik, aaqqatinik oqortunik iluaqutaasinnaasunillu allanik nakkartsissaaq  taamaalillutik nunaqarfimmi Kuujjussuarmi  innuttaasut nuannaarlutik katersissallutik.
Filmemi Johnny May ima oqarpoq: Maani Kuujjuarmi  juullernerani susassareqatigiinneq pineqarpoq,  juullerneralu nuannaarutigalugu, Johnny May filmemi taama oqarpoq.