Timmisartumi saqisut suliumajunnaarnissartik aalajangiusimavaat
Timmisartortitseqatigiiffimmi Air Greenland-imi saqisut suliumajunnaarnissamik aarlerisaaruteqarnerat suli atuuppoq.
Suliummajunnaarnissaq sapaammi unnuap qeqqanit aallartitussatut nalunaarutigineqarpoq.
Allattoq Jaaku Lyberth
juulip 04-at 2009 13:40
Illuatungeriit tassalu timmisartortitseqatigiiffik Air Greenland tassanilu saqisut peqatigiiffiat Air Greenland Cabin Union isumaqatigissitsiniartarffimmi Københavnimiittumi isumaqatiginniarnissaq siunertaralugu maannakkut ataasimiigiaqquneqarput, mannalu tikillugu isumaqatigiittoqarsimanngitsoq radioaviisimit paasivarput. Isumaqatigiissut qanittumi isumaqatigiissutigineqartoq taasissutigineqarmat, Air Greenland-imi saqisut 86 procentiinit isumaqatiginneqanngilaq.
TImmisartut ingerlaarneranni timmisartuni saqisut naammattumik kiffartuussisinnaanerannut sulisut ikippallaartarnerat sulerminnilu unikkallartarnertik sivikigalugu, isumaqatigiissutigineqartoq akuerinagu timmisartumi saqisut suliumajunnaarnissartik aalajangiusimavaat.
