Timmisartumi napparsimasoq: Timmisartorsuaq Islandimut mittoq

Air Greenlandip oqarnera naapertorlugu tamanna coronamut attuumassuteqanngilaq.
air greenland
Timmisartorsuaq Københavnimiit ullaap tungaa Kangerlussualiartoq Islandimut naatsorsuutaanngitsumik mittariaqarsimavoq. Toqqorsivimmit assi
juulip 31-at 2020 10:45

Timmisartorsuaq Københavnimiit ullaap tungaa Kangerlussualiartoq Islandimut naatsorsuutaanngitsumik mittariaqarsimavoq.

Timmisartumut ilaasoq peqqinngersimavoq, taamaammat timmisartoq Keflavikkimut mikkiartortariaqarluni.

Air Greenland KNR-imut mailikkut allappoq:

"Ullaaq manna GL779 Københavnimiit Kangerlussuarmut ingerlaartoq Keflavikkimut peqqissutsimut tunngassuteqartumik peqquteqarluni mikkallartariaqarsimavoq. Pisorli Covid-19-imut tunngassuteqanngimmat timmisartoq GL779 kinguaattuulaarluni Kangerlussuarmut ingerlaqqissaaq."

Timmisartorsuaq Keflavikkimiit qangattaqqereerpoq Kangerlussuarmullu nalunaaqutaq 11.15 tikissalluni.