Timmisartoq suli aallanngitsoq teknikkikkut ajornartorsiuteqartoq paasineqareeraluarpoq.
Ilaasussat arlallit aniinnarnissartik qinnutigisimagaluarpaat, sulisunilli taamaalioqquneqarsimanngillat. Issimasut arlallit ilaquttaminnut, qanigisaminnut ilisarisimasaminnullu sms-ersimapput, oqaluttuaralugu timmisartoq teknikkikkut ajoquteqartoq, niujumasimagaluarlutillu.
Ajunaartunut ilaqutaasut timmisartuutileqatigiiffimmit Spanair-imit ippassaq unnukkut ataatsimeeqatigineqarmata nutaarsiassaqartitsivimmit AP-mit tamanna ilisimatitsissutigineqarpoq.
Paasissutissat tamakku timmisartuutileqatigiiffiup Spanair-ip oqaaseqarfigiumanngilai.