Timmisartukkut angallannerup akitsornera akuersaaruminaatsinneqarpoq

Timmisartukkut angallannerup akiisa 2006-imi 10 procentimik qaffannissaat, innuttaasunut takornariaqarnermullu annertuumik eqquinerlussammat akuersaarneqarsinnaanngitsoq,

Nanortallip borgmesteria, Tage Frederiksen isumaqarpoq:

- Taamatut aalajangerneq akuersaarsinnaanngilluinnarpara. Nanortallip kommunea eqqarsaatigissagutsigu, imarluttartorujussuuvoq aammalu ukiukkut angallanneq eqqarsaatigalugu helikopterimik angallanneq taama akisutigilerpat inuit ilaasinnaajunnaassapput, Tage Frederiksen oqarpoq.

Taassuma aamma oqaatigaa takornariaqarneq pinngitsoorani aamma eqqorneqassasoq naatsorsuutigalugu.

Tage Frederiksenip paasisinnaannginnerarpaa, ataatsikkut taama annertutigisumik qaffaaneq. Kujataani borgmesterit pingasunngorpat ataatsimiissanerarpai, sisamanngorpallu Air Greenlandip pisortaa, Flemming Knudsen akinik qaffaaneq pillugu ataatsimeeqatigissamaarnerarlugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat