Timmisartuaraq periarfeerunneqartoq: Ujaasineq aallartinneqalerpoq

Qulimiguulik annaassiniartartoq ullaaq manna - silap qanoq innera apeqqutaatillugu - Kulusumit aallartinneqassaaq, timmisartuaqqamik ippassaq Islandimi Keflavikimit Kulusummut nal. 14 tikittussaagaluartumik ujaasitinneqassalluni.
Allattoq Helle Nørrelund Sørensen, Simon Uldum
septembarip 12-at 2014 03:48

NaviAir Press KNR-imut taama ilisimatitsivoq.
 
Timmisartoq anginngitsoq pineqarpoq, taannalu radareqarani angalasuuvoq isigisinnaasallu najoqqutaralugit sumiissusersiortuulluni. Timmisartulli qanoq-ittoorpiarnera qassinillu issimasoqarnera NaviAirip oqaatigisinnaannginnerarpaa.

AAMMA ATUARUK Timmisartoq tammaaneqartoq suli paasisaqarfigineqanngilaq

NaviAir naapertorlugu, timmisartuaqqap Kulusumut tikinnissaa sioqqutilaarlugu attavigineqarsimavoq. Timmisartuararli pilersaarutit malillugit tikinngitsoormat ujaasinissamik aallartisaasoqarpoq, Kulusuulli eqqaani putserpallaarnera anorlerpallaarneralu pissutigalugu ujaasinissaq kinguartinneqartariaqarsimalluni.
 
Timmisartuaqqalli periarfeerunneqartup sumiissinnaaneranik ilimagisaqartoqartoq, Camilla Hegnsborgip NaviAirimeersup KNR-imut oqaatigaa.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk