Timmisartuaraq Kangilinnguit eqqaanni miinnartariaqarsimavoq
Kangilinnguani sakkutooqarfiup nittartagaani taama allaaserinnittoqarpoq.
Timmisartuaraq orsueruttuulernera pissutaalluni imaanut miinnartariaqarsimavoq. Sakkutuut timmisartuat Challenger timmisartuaqqap miffigisinnaasaannik ujarlerpoq, Narlunallu paavata nalaani Simiutap eqqaani minnissaa siunniunneqaraluartoq, Kangilinnguani sakkutooqarfiup eqqaani miinnartariaqarsimavoq.
Timmisartuaraq radiokkut attaveqarfigineqarpoq, Air Greenlandillu qulimiguua S-61 pisumik malinnaatinneqarpoq, umiarsuarlu alapernaarsuut Ejnar Mikkelsen aamma ikiuilluni.
Timmisartuaraq ataatsimik ilaasoqarpoq, timmisartorlu orsersorneqareermat Narsarsuarmut ingerlaqqippoq, tassanngaanniit Europamut ingerlaqqittussaalluni.