Timmisartuaraq ikiuiartortoq Chilemi nakkarpoq
Timmisartuaraq, Piper PA 31-mik taaguutilik, illoqarfiit pingaarnersaannit Santiagomit ippassaq qangattarpoq, nakkarneranullu suna pissutaanersoq suli paasineqarani. Nutaarsiassaqartitsivimmi Ritzauimi taama allaaserinnittoqarpoq.
Chilemi sapaatip akunnerata naanerani nunap sajunnerata kingornagut nakuuserneq uivernerlu siaruaakkiartorput. Innuttaasut sumiiffinni arlalinni kamassimaqisut kaattullu pisiniarfissuarnik ujajaaniarsaripput. Aamma sakkutuut akornanni aporaattoqartarpoq, sakkutuut ajunaarnersuaqarfiusumut eqqissisimatitsiniartussatut isumannaatsuunissamillu isumaginnittussatut naalakkerneqarsimapput.
Tamatuma saniatigut Chilemi naalakkersuisut, nakuusernerit ujajaanerillu pinngitsoorsimatinniarlugit, innuttaasunik unnukkut unnuakkullu aninissamik inerteqquteqalerput.
Sakkortuumik nunap sajunnera, nunap sajuttarneranut uuttuummik 8,8-mik sakkortussuseqartutut uuttorneqartup kinguneranik ajunaartut maanna 723-usut paasineqarpoq, maqaasineqartullu 19-iullutik.
