Timmisartuaraq ajunaaqqajarpoq

Timmisartuaraq Canadian North Flight-imeersoq Dash 8-aq, marlunngornermi unnukkut Yellowknife-p eqqaani Cambridge Bay-mut minniartilluni timmisartup assakaasui nuineq ajulermata, timmisartoqarfimmut Yellowknofe-mut, qatserutinik atortorissaarnerusumut mikkiartortariaqarsimavoq. Minnerliorsimaqaarlu.

Ilaasui ajornatik nioreersullu, kingorna ilaasut, ilaatigut Canadamiut Inuit arnat marluk oqaluttuarsimapput, toqunissartik annilaangagisimaqalugu.

- Timmisartup assakaasui saarliit nuineq ajulerlutik timmisartoq minnerliorujussuarmat, qissateqaagut toqulersorigattami. Isumaqaraluarpungami timmisartuaraq qeqqatigut qupissasoq aammalu ikuallalissasoq, Annie Konana, CBC news-imut oqaluttuarpoq.

Arnap aappaa Kristen Eetoolook-imik atillik napparsimaviliarluni meeraaraatini 16-iinnarnik qaammatilik timmisartornermini ilaaqatigisimavaa.

- Minniarnitsinni anorlingaatsiarpoq, meeraralu kisiat annaanniassallugu tigummillugu. Tamattalu annilaangalluta nilliallutalu qissateqaagut, Kristen oqaluttuarpoq.

Minnerliornermi ilaasut sisamaasut sulisullu pingasuusut ajoqusersimanngillat, timmisartuaqqallu minnerliorsimaneranut atatillugu misissuineq ingerlanneqartoq, Canadami timmisartuutileqatigiit oqartussaasui oqarput.